TESTO DEL LIED

"Ca' the yowes"
di Robert Burns (1759-1796)

Ca' the yowes tae the knowes,
Ca' them whar the heather grows,
Ca' them whar the burnie rows,
My bonnie dearie.
Hark, the mavis' e'enin' sang,
Soundin' Cluden's woods amang;
Then a fauldin' let us gang,
My bonnie dearie.

We'll gang down by Clouden side,
Through the hazels spreading wide
O'er the waves that sweetly glide
To the moon sae clearly.

Fair and lovely as thou art,
Thou hast stol'n my very heart;
I can die, but canna part,
My bonnie Dearie.

While waters wimple to the sea,
While day blinks in the lift sae hie
Till death shall blin' my e'e
Ye shall be my dearie.